Fræðsla til kaupenda á heilbrigðisvörum um vinnslu persónuupplýsinga 

Um þessa fræðslu  

Í þessu skjali er að finna upplýsingar um hvernig Stórkaup vinna með persónuupplýsingar kaupenda á heilbrigðisvörum með greiðsluþátttöku Sjúkratrygginga Íslands. Hér að neðan er að finna fræðslu til kaupenda og markmiðið er að tryggja gagnsæi um þá vinnslu sem fer fram, hvaða upplýsingar eru unnar, tilgang vinnslunnar og heimildir fyrir henni, miðlun persónuupplýsinga og geymslutíma þeirra, auk ýmissa annarra atriða um þá vinnslu persónuupplýsinga sem fram fer í tengslum við starfsemina samkvæmt lögum um persónuvernd og vinnslu nr. 90/2018 (pvl.) og reglugerð (ESB) 2016/679 (pvrg.). 

Ábyrgðaraðili og tengiliðir 

Ábyrgðaraðili vinnslunnar er Stórkaup. Hafa má samband vegna allra fyrirspurna um vinnslu persónuupplýsinga í gegnum netfangið personuvernd@hagar.is.  

Tegundir persónuupplýsinga, tilgangur vinnslu og heimildir fyrir henni 

Við vinnum aðeins með þær persónuupplýsingar sem nauðsynlegar eru vegna kaupa þinna á heilbrigðisvörum, s.s. nafn, kennitölu, heimilisfang, keyptar vörur og afhent sýnishorn. Við fyrstu afgreiðslu er þér flett upp í gagnagátt Sjúkratrygginga Íslands til þess að staðfesta rétt þinn til greiðsluþátttöku Sjúkratrygginga Íslands. Heilsufarsupplýsingar sem koma fram í ráðgjöf til viðskiptavinar eru ekki skráðar. 

Tilgangur vinnslunnar er sala og ráðgjöf á vörum samkvæmt samningi við Sjúkratryggingar Íslands. 

Heimild fyrir vinnslu: Vinnslan er nauðsynleg til þess að efna samning, sbr. 2. tl. 1. mgr. 9. gr. pvl. 

Miðlun persónuupplýsinga 

1. Þeim persónuupplýsingum um þig sem við vinnum með vegna viðskiptasambandsins miðlum við ekki til þriðja aðila nema í eftirtöldum tilvikum: 
2. Aðföng, systurfélag Stórkaups, sér um lagerhald og flutning fyrir Stórkaup og er upplýsingum um nafn, aðsetur og vöru miðlað til þeirra svo hægt sé að afgreiða pöntun þína.  
3. Í lok hvers mánaðar eru söluafrit/reikningar sendir til Sjúkratrygginga Íslands. 
4. Bókhaldsgögn eru afhent innlendum endurskoðendum okkar eftir því sem þeir kunna að óska eftir lögum samkvæmt. 
5. Við áskiljum okkur rétt til að hlíta fyrirmælum þar til bærra íslenskra dómstóla og eftirlitsstofnana um afhendingu gagna, þar á meðal þeirra sem kunna að innihalda persónuupplýsingar.
   

Geymslutími 

Upplýsingar um kaup á heilbrigðisvörum eru bókhaldsgögn. Um geymslu á bókhaldsgögnum fer samkvæmt lögum um bókhald nr. 145/1994 og eru þau geymd í a.m.k. 7 ár. 

Réttindi þín 

1. Þar sem við vinnum, eins og kemur fram hér að framan, með persónuupplýsingar um þig þá hefur þú margs kyns réttindi sem mikilvægt er að þú fáir upplýsingar um: 
2. Þú átt rétt á að óska eftir aðgangi að og afriti af persónuupplýsingum þínum hjá okkur, láta okkur leiðrétta þær ef þær eru rangar eða villandi eða láta okkur eyða þeim ef við höfum ekki lengur heimild til að vinna með þær. Þessum réttindum er nánar lýst í lögum um persónuvernd, sbr. 17. og 20. gr. laga nr. 90/2018. Þá átt þú samkvæmt síðarnefndu lagagreininni rétt á að flytja eigin gögn eða að við takmörkum vinnslu persónuupplýsinga um þig, að uppfylltum nánar tilteknum skilyrðum. Þú átt einnig rétt á að andmæla vinnslunni skv. 21. gr. laganna. 
3. Þú getur hvenær sem er sent okkur fyrirspurn eða kvörtun vegna vinnslunnar, á netfangið personuvernd@hagar.is Þá átt þú rétt á að leggja fram kvörtun hjá Persónuvernd vegna vinnslunnar. Skrifstofa hennar er að Laugavegi 166, 4. hæð, 105 Reykjavík og netfang hennar er postur@personuvernd.is 

Þessi útgáfa fræðslu til kaupenda á heilbrigðisvörum, með  greiðsluþátttöku Sjúkratrygginga Íslands, um vinnslu persónuupplýsinga er frá 30. janúar 2026 og gildir um alla vinnslu sem á sér stað frá og með þeim degi.